ട്രെയിന്‍ യാത്രയില്‍ നിസ്കാരം എങ്ങിനെ ആണ് നിര്‍വഹിക്കുക? ഓടി ക്കൊണ്ടിരിക്കുന്ന വണ്ടിയില്‍ വെച്ച് നിസ്കരിക്കാന്‍ പറ്റുമോ❓
■■■■■■■■■■■■■■■■■■■■■■■■■■■■■■■■■■
بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين
ട്രെയിന്‍ യാത്രയില്‍ ഇന്ന് പലപ്പോഴും നിസ്കരിക്കേണ്ടിവരും. യാത്രക്കാരന്‍റെ നിസ്കാരത്തിലാണെങ്കിലും ഫര്‍ള് നിസ്കാരത്തില്‍ ഖിബലക്ക് തിരിഞ്ഞ് തന്നെ വേണമെന്നാണ് നിയമം. ട്രെയിന്‍ യാത്രയില്‍, വണ്ടി സ്റ്റേഷനുകളില്‍ നിര്‍ത്തുമ്പോള്‍ പുറത്തിറങ്ങി നിസ്കരിക്കാന്‍ പലപ്പോഴും സൌകര്യപ്പെടാറുണ്ട്. അങ്ങനെ സൌകര്യപ്പെടുമെങ്കില്‍ അങ്ങനെത്തന്നെ ചെയ്യേണ്ടതാണ്. നിസ്കരിച്ചുകഴിയുമ്പോഴേക്ക് ട്രെയിന്‍ പോകുമെന്നോ സാധനങ്ങള്‍ നഷ്ടപ്പെടുമെന്നോ ഒക്കെ ഭയക്കുന്ന സാഹചര്യത്തിലും വണ്ടി നിര്‍ത്തുന്ന സമയത്ത് ഖിബല ഏത് ദിശയിലാണെന്ന് മനസ്സിലാക്കി അകത്ത് വെച്ചും നിസ്കരിക്കാവുന്നതാല്ലോ. അതിനും സൌകര്യപ്പെടാതിരിക്കുകയും നിസ്കാരം ഖളാഅ് ആകുമെന്നും വരുന്ന സാഹചര്യത്തില്‍ ഓടിക്കൊണ്ടിരിക്കുന്ന ട്രെയിനില്‍ വെച്ച് നിസ്കരിക്കാവുന്നതാണ്. ഇങ്ങനെ നിസ്കരിക്കുമ്പോള്‍ ഖിബലയില്‍നിന്ന് തെറ്റാനുള്ള സാധ്യത കൂടുതലാണ്. ഖിബല കൃത്യമായിട്ടുണ്ട് എന്ന് ധാരണയില്ലാത്ത സാഹചര്യത്തില്‍ ആ നിസ്കാരം പിന്നീട് മടക്കി നിസ്കരിക്കേണ്ടതാണ്.
وآخر دعوانا أن الحمد لله رب العالمين وصلى الله وسلم على سيدنا محمد وعلى آله
No comments:
Post a Comment